بودكاست مستدفر

هل الأفلام الأجنبية في السينما السعودية حتتدبلج للعربي؟ هل اللهجة تأثر على أداء شخصية في فيلم أو مسلسل؟ أيش السن المناسب للأطفال إنه يكون عندهم حسابات في شبكات التواصل؟ ليش الناس بتتابع حساباتنا الشخصية؟ وليش يلغوا المتابعة؟ هل تربيتنا لأولادنا بتسلب منهم شخصيتهم؟ ليش كنا شاطرين في الإبتدائي وصرنا فاشلين في التوجيهي؟ عبدالله يبغى يعرف أيش جمع كلمة “شيبس”؟

كثير من الآباء والأمهات مع الانشغال ينسوا انهم ياخدوا شوية وقت من جدولهم المشغول ويقعدوا يتكلموا مع أولادهم. فقررت اليوم أقعد أدردش مع ولدي سارية (آخر العنقود) وأخليكم تشاركونا الدردشة. سبحان الله كل مرة أتكلم مع واحد من أولادي أكتشف شيء جديد عن شخصيتهم.

This episode was recorded on May 16th 2017… and we forgot about it and decided to release it. If you don’t understand what we re taking about in the beginning of the episode, go back and listen episode #067. We are still trying to cope with remote recording and scheduling issues. Today we talked about Net Neutrality, the latest worldwide online virus threat, using technology on airplanes and gaming. As well as some personal catching up. Podcastmstdfrمستدفربودكاست

مؤخراً كل ما نكون في فعالية معينة… يجي أحد منكم يا مستمعينا الكرام وتقولوا لنا قد أيش انتم تحبوا البرنامج وتشكرونا على الشغل اللي بنقدمه. وصراحة في العادة ما نعرف كيف نرد على هذا الحب غير اننا نقولكم انتم شكراً انكم بتسمعولنا وشكراً على دعمكم لنا. لكن في نفس الوقت الشيء دا خلانا نفكر في قوة الكلمة والفكرة اللي كثير مننا كصناع محتوى ما نستوعبه! وفي المقابل تتضح لنا حجم المسؤولية اللي تقع على كل كلمة نقولها… لكن هل من المنصف أننا نحط هذه المسؤولية على نفسنا؟

حلقة اليوم كانت حلقة عشوائية بتسجيل مباغت! كنا جالسين وفجأة المكرفونات أشتغلت وسجلنا حلقة… كنا حتى جيعانين وطلبنا أكل (ووصل في وسط التسجيل) وبالتالي بدأنا بالكلام عن الأكل وأنواعه اللي نحبها واللي ما نحبها. بالذات عمار إللي غالباً ما يحب أغلب الأكلات. ومن هناك دخلنا على قوانين الأدب والاحترام بين الكبار والصغار واللي بقدرة قادر أتحولت إلى كلام عن التخصصات في الجامعة وعلاقتها بالوظائف المثمرة والشغف الشخصي. وفجأة لقينا نفسنا بنتكلم عن الجنة ونعيمها وقعدنا نتخيل أيش كل واحد ناوي يسوي هناك، وبعد كدة أتفلسفنا شوية عن الإستماع للإنتقاد والنصائح من الآخرين وأنهينا الحلقة بحوار عن المبالغة في الإعلام والبلبلة الإخبارية… ألخبط من كدة… مافي

أغلبنا كبر على حكاوي غريبة كانوا الكبار يقولوا لنا هي… حكاوي عن وحوش مختلفة ممكن تطلع للأولاد والبنات إللي يسووا شقاوة! أمنا الغولة، النمنم، حمارة القايلة وعافية ربي. ولكن كبرنا واكتشفنا إنه كلها كانت تخريف! وكمان كنا نسمع حكاوي كثير عن الجن وعالم الجن الغريب اللي كانوا “على حسب الروايات” في ناس بينخطفوا له وما يرجعوا… لكن لحظة… إذا مارجعوا كيف وصلتنا الحكاية؟ ماعلينا، اليوم شاركنا الحديث صديق جديد… أخونا مِهاد كاشف وكمان صديقنا القديم عبدالله رافعة وأعطونا من أكياسهم شوية.

وأخيراً… وبعد غياب… عمار ورامي أجتمعوا في استديو مستدفر وسجلوا حلقة مع بعض بعد قطعة لأكثر من شهرين! واليوم أتكلمواعن فكرة برنامج جديد بيشتغلوا على إنتاجه وحبه إنهم يشاركوا معاكم الفكرة وياخذوا أيكم فيها. البرناج الجديد عيارة عن بودكاست علمي للأطفال، والفكرة أبطالها خريجة جامعة ذكية ومخلوقين فضائيين إسمهم دقّس و أمبة. والبرنامج أستلهم من من عدة برامج علمية للأطفال مثل بودكاست (Wow in the World) وبرنامج (Beakman’s World) التيلفيزيوني من التسعينات. ومن ضمن الأشياء الأخرى اللي أتكلموا عليها مسلسل كوميدي أمريكي من السبعينات عن مخلوق فضائي يزور الأرض (Mork & Mindy) وافتتحوا الحلقة بسيرة الأستاذ القدير حسن كراني، واذا تبغوا تعرفوا ايش دخل حسن كراني في الهرجة… أسمعوا الحلقة!

كلمة “الواقعية” هي حاجة نسمعها دايما وعادة ما ينطلب مننا تطبيقها في حياتنا اليومية. لكن أحياناً تكون النظرة الواقعية في بعض الأمور حاجة سلبية وتقتل أي طموح وأحلام ممكن تكون عندنا. واقعياً… البودكاست في العالم العربي مشروع فاشل! واقعياً… شخص واحد ما يقدر يغير العالم! واقعيا… الرسم والفن ما حيأكلك عيش! واقعياً… ما تقدر تسيب الجامعة وتصير ممثل! هذه كلها جمل سمعناها كثير واحنا صغار ولمن كبرنا، وعمار اليوم مع عمر ضياء وعبدالله رافعة أتكلموا على معاناتهم مع “الواقعية” وكيف كل واحد فيهم تحدى مجتمعه وحول أحلامه لواقعه.

قد فكرتم في يوم من الأيام أيش ممكن يصير في العالم إذا التكنولوجيا أصبحت ذكية لدرجة إنها تسيطر علينا؟ يمكن الفكرة هذه تكون شوية غير واقعية… لكن بالوضع الحالي اللي إحنا عليه وطريقة تتطور الكمبيوترات وشبكات التواصل حول العالم، صارت الفكرة محتملة! عمار اليوم أستضاف صديق البرنامج علي الزين للمرة الثالثة وأتكلموا على بعض أشهر ألعاب الكمبيوتر إللي أتحولت إلى أفلام، وبعد كدة تطور الحديث ووصلوا لنهاية العالم… كيف؟ ما نعرف… بس أسمعوا الحلقة عشان تعرفوا أيش اللي صار وقولوا لنا إذا تتفقوا مع كلامهم أم انكم ضده تماماً.

حلقة اليوم طلعنالكم هي من خزنة الحلقات المفقودة! سجلناها في أغسطس ٢٠١٥ وبعد التسجيل أكتشفنا إنه الصوت كان فيه مشاكل وما قدرنا ننزلها. ولكن بعد سنتين وخمسه شهور قدرنا ننظف الصوت لدرجة شوية مقبولة وقررنا إننا ننزها اليوم. ضيوفنا كانوا الدكتورة أسماء مهرجي وعمير طيبة وخيرة بندقجي، واتكلمنا عن أشياء مختلفة من ضمنها كيف سماعات التيلفون تشتغل و كيف جهاز الأشعة يشتغل بشكل سطحي جداً. وكمان اتكلمنا عن الساعات الذكية و بعض البرامج التلفزيونية والأفلام زي Doctor Who و Interstar Galactica و Ghostbusters. ونتمنى انه الحلقة تعجبكم.

استضفنا اليوم الكوتشز سيرين فتيح و عبدالله الصبان… صراحة الإستضافة ما كانت اليوم كانت قبل عشرة شهور بس أستروا ما واجهتم

حلقة اليوم سجلناها في ٢٦ يوليو ٢٠١٧ ولسبب أو آخر ما نزلناها… ما أتحمسنا لأنه يومها كان المفترض يكون معانا ضيف وسحب علينا، لكن قررنا نسجل ونتكلم على أي شيء. واليوم قررنا اننا ننزلكم هذه الحلقة وخلينا نشوف إذا حتعجبكم أو لأ. وصلات الحلقة: مسلسلات مارفيل على نيتفلكس. مسلسل (Stranger Things). أكل الأطفال من هاينز مليء بالسكر. حمية الفواكه. معدل شرب الماء اليومي. الإعلانات في شبكات التواصل الإجتماعي. الملابس الذكية.

أخيراً… وبعد طول انتظار، قدرنا نستضيف واحد من أوائل وأفضل مستمعينا اللي كان له فترة بيحاول يكون معانا في الأستديو. أخونا عبدالرحمن الخضري دردش معانا في الحلقة هذه على مجموعة مواضيع… أهمها كان شركات النظارات أغلبها مملوك من شركة واحدة. اليوم العالمي للغة العربية. اللغة العربية على سبيستون  تسمية برنامج سيسامي ستريت (Sesame Street). بودكاست دكان و ثرثرة و كرتون كرتون. ديزني بالعربي. إضافة كلمات جديدة في المعجم العربي. إختبار التوفل. مسلسلات الآنيمي و مسلسل (One Punch Man). مسلسل كابتن ماجد. فعالية VIDXB في دبي.

Ammar sat today with Faisal Alaseeri and talked about TV shows and their favorate Netflix series. Including Stranger Things and Rick & Morty, they also talked about recent Marvel and DC movies. Discussed if DC did a good job with Justice league or not? Ammar and Faisal also discussed how some SiFi movies inspired some of today’s inventions including the automatic opening door.

اليوم نستضيف سلمان بن عييد وكل كلامنا في الضياع؟ لا جد اتكلمنا عن ضعف اللغة العربية في مواكية العصر, وعن ليس تشخيض الإطباء عادة لا يكون دقيق, وعن فن التصوير.