بودكاست مستدفر

حلقتنا اليوم حلقة مميزة وشاركنا فيها إثنين من خريجي برنامج الزمالة قمم لتمكين القيادات الواعدة من الجامعيين والجامعيِّات في السعودية، دالية القرني و سمو الخضير. وكالعادة عمار ورامي أتكلموا مع ضيوفنا عن مجوعة كبيرة من المواضيع اللي تنوعت من الدراسة للمرحلة الجامعية والأبحاث العلمية وتدريب الطلاب ومساعدتهم في فهمها وكيف ممكن الطلبة عندهم القدرة على الشرح وتسهيل الصعوبات لزملائهم. وتطرقوا لموضوع الطاقة البديلة والخلايا الشمسية والدراسات القائمة عليها في المملكة. ودخلوا كمان على الناحية الإجتماعية وشبكات التواصل وكيف حياتنا صارت معتمدة بشكل كبير على هذه البرامج وكيف بعض الناس زي رامي قدروا يتخلوا عن هذه البرامج، ودردشوا شوية عن التأمل والتفكر وكيف ممكن نوصل للسلام الداخلي في أعمق نقطة في عقلنا الباطن وكيف ممكن نلاقي هذا السلام عن طريق الصلاة اليومية وكيف ممكن تساعدنا في تصفية الذهن والوصول للسكون العقلي والراحة النفسية. وإذا تبغوا تعرفوا أكثر عن ضيوفنا ممكن تتابعوهم على: دالية القرني dalyaQ@ سمو الخضير healthyst_@ وإذا تبغوا تعرفوا أكثر عن برنامج قمم ممكن تزوروا موقعهم على الرابط www.qimam.com

أتكلمنا اليوم عن كم موضوع ومن أهمها كان موضوع التحرش الجنسي في مجتمعنا واللي هو شيء نادراً ما أحد يتكلم عنه في مجتمعنا… فحبينا نسلط شوية ضوء عليه. والموضوع الثاني المهم اللي أخذ أغلب وقتنا كان الزواج… سبب قلق كل أب وأم في العالم العربي… وهاجس المجتمع الأول! ”متى نفرح فيك؟“ أكثر سؤال يسمعه كل عازب وعزباء، لكن سؤالنا هو ليش الناس رابطين فرحهم بزواج غيرهم؟ وللناس اللي تحب تسأل السؤال هذا… ياخي ايش دخلكم؟ يمكن العزاب فرحانين لحالهم؟ مالكم صلاح! وللمعلومية… أخواننا وأخواتنا العزاب… ترا اللقافة المجتمعية ما توقف بعد الزواج، من أول صباحية بعد الزواج حيجيكم السؤال الثاني… ”ها متى حتخلفوا؟“ لا وكمان حتى لو خلفتوا يجيكم السؤال ”متى حتجيبوا طفل ثاني؟“ ترا مافي فكة! الموضوع مو انه الشباب والشابات ما يبغوا يتزوجوا، بس الناس تعبت من اللقافة والتدخل في الحياة الشخصية. وعشان نتكلم عن الموضوع هذا بشكل أوسع شاركنا ثلاثة عزاب في حلقة اليوم… أصدقاء البرنامج فاطمة المهيري و نفلة الزعابي وعبدالله رافعة. تحذير: مواضيع الحلقة يمكن ما تكون مناسبة للأطفال في بعض العوائل بسبب نوع المواضيع وبعض الألفاظ… وترا الحلقة طولها ساعتين، أتحمسنا شوية بس كان الحوار شيق وما كنا نبغى نوقف.

وهذي أول حلقة لسنة ٢٠١٩ ونطلقها اليوم مع ضيف جديد وصديق من الإمارات وبودكاستر كمان… الرائع سعيد الشامسي من بودكاست روت كويست واللي أتكلمنا معاه على الألعاب الإلكترونية وأنواعها المختلفة من الجديد للقديم. وأتكلمنا على لعبة فورتنايت إللي غزت العالم وعقول الكبار والصغار، واتكلمنا عن مدى تأثير ألعاب الكمبيوتر علينا بشكل سلبي أو إيجابي. وممكن تقرأوا أكثر عن تأثيرات الألعاب في كتاب بعنوان سوبر بتر (Superbetter) للكاتبة جين مكجونيجال. وكالعادة دخلنا وخرجنا في مواضيع مختلفة وأضطرينا إننا نوقف تسجيل لأن لو أستمرينا كان صار طول الحلقة خمسة ساعات! وممكن تتابعوا أعمال قناة روت كويست هنا وممكن تسمعوا بودكاست روت كويست هنا

تصدقوا انه في قنوات مشهورة على يوتوب شغلتها الوحيدة انهم يصدروا أصوات غريبة في مكرفونات عشان الناس تسمعها؟ لا وملايين المشاهدات كمان! واليوم في آخر حلقاتنا لـ ٢٠١٨ صديق البرنامج الفنان عمرو ضياء و دانة الصبان (بنت عمار) حكونا عن هذه الظاهرة الغريبة وأتكلموا معانا عن مجموعة مواضيع من ضمنها حواس الإنسان، الإحساس بالوحدة، عالم الجن والعفاريت، الهوية الشخصية وكم موضوع ثاني. نرجوا ان الحلقة تعجبكم وانه ٢٠١٨ كانت سنة خير وبركة عليكم جميعاً ونتمنى لكم عام جديد كله انجازات وعفو وعافية.

حلقتنا اليوم حلقة مميزة وشاركنا فيها إثنين من خريجي برنامج الزمالة قمم لتمكين القيادات الواعدة من الجامعيين والجامعيِّات في السعودية، رغد نهاري وروان الجهني. وكالعادة عمار ورامي أتكلموا مع ضيوفنا عن مجوعة كبيرة من المواضيع اللي تنوعت من تخصصات الجامعة واختيارها إلى الوعي القانوني عند عامة الشعب ومعرفة حقوقهم. وتطرقوا لتربية الأبناء على التفكير الناقد ومهارة الإقناع وقوة المناظرات العلمية وفوائدها. ودخلوا كمان على الناحية التجارية وأتكلموا عن التخصصية في المحلات التجارية و قوة التسويق للتأثير في نجاح أو فشل المحلات التجارية، ودردشوا شوية عن البوصلة الشخصية ومعرفة الهدف من وجودنا في هذه الحياة و كمان عن فعاليات تيد إكس والمشاركة في المحاضرات المختلفة وتنظيمها وفي الآخر كمان ناقشوا موضوع التعليم الجامعي وهل هو مهم أو لأ؟ وهل طريقة التعليم آن الأوان لها أن نطورها؟ وإذا تبغوا تعرفوا أكثر عن ضيوفنا ممكن تتابعوهم على: رغد نهاري Raghad_Nhari@ روان الجهني RawanAlmarwani@ وإذا تبغوا تعرفوا أكثر عن برنامج قمم ممكن تزوروا موقعهم على الرابط qimam.com

اليوم زارنا صديقنا الفنان ضياء عزوني أحد مؤسسي فرقة الفرابي… الفرقة السعودية اللي أبدعت في عالم الموسيقى العربية اللي جمعت بين الأصالة الشرقية والروح الغربية والأشعار العربية العريقة باللغة العربية الفصحة. وأتكلمنا على جوانب فلسفية كثيرة في عالم الموسيقى مثل الخبرة في عزف الآلات الموسيقية، وهل أي أحد عنده القدرة إنه يكون مغني أو لأ؟ وأتكلمنا عن أنواع الموسيقى المختلفة اللي ممكن نسمعها، وليش الموسيقى الغربية لها تصنيفات مختلفة محددة ويصعب علينا درج الموسيقى العربية تحت تصنيفات مختلفة واضحة! وهل كل فرق “الروك” و “الهيفي ميتال” عبدة شياطين؟ وهل المقامات الموسيقية مبنية على مبادىء علمية؟ أو هي من إختراع إنساني فني؟ أتكلمنا عن هذه المواضيع وغيرها كثير. وممكن تتابعوا آخر أعمال ضياء على ساوندكلاود هنا وممكن تتابعوا آخر أعمال فرقة الفرابي هنا

ضيفنا اليوم هو فنان ينقط موهبة… مستشار في النهار ورابر في الليل. صديقنا ملهم كريّم اللي تكرم علينا بشوية من وقته وكمان شوية من فنه. فاليوم مو بس حتسمعونا نبربر… حتسمعوا كمان ملهم “يربرب” لأنه أضفنا لكم مقاطع من ثلاثة أغاني إبداعية أعطتنا أمل في مستقبل الفن هذا في السعودية. وأتكلمنا كمان عن استخدام لغتين مختلفة في الكلام و بعض مسائل التربية والعادات والتقاليد وكالعادة الكثير من الفلسفة. المقاطع اللي حتسمعوها هي من أغاني ملهم: Easy Come Easy Go Me Against The World Saudi Citizen وممكن تسمعوا الأغاني كاملة عن طريق الروابط: fanlink.to/molham و molhamkrayem.com Molham is a Saudi strategy consultant by day, and rap artist by night. Based in Dubai, he consults the region’s banks on business strategy, writes for Forbes magazine, and creates music combining Arabic and English

Our guest today has been one of the main Muppet performers on Sesame Street for the past 37 years, and is Ammar’s puppeteering mentor! Mr. Martin Robinson. Marty is an American puppeteer who works for the Jim Henson Company. He also built, designed, and performed the puppets for Little Shop of Horrors. He is best known for his work on Sesame Street, having performed the characters of Telly Monster, Mrs. Grouch (Oscar the Grouch’s mother), Slimey the Worm, Mr. Snuffleupagus, Oscar’s niece Irvine, Shelley the Turtle and the blue Martian that goes (Yip yip yip yip yip, ah hah! ah hah!). He also performed the characters Riff the Cat and Clef the dad on Allegra’s Window, and was an animatronic puppeteer for Leonardo in Teenage Mutant Ninja Turtles. He is the puppeteer responsible for training the puppeteers on the international Sesame productions. He also voiced the Cat in the Hat in the second season of “The Wubbulous World of Dr. Seuss”. We talked about puppetry and what you might need to become a puppeteer, so if you are planning on being one… this will be a good episode to listen to

اليوم حلقتنا خاصة جداً… حلقة عمار كان كان بيحاول يسويها له سنين وأخيراً نجح في إنه يسجلها. اليوم ولأول مرة عمار قدر يقعد ويدردش مع والده الدكتور القدير عيدروس بن عبدالله بن سرور الصبان، عضو هيئة التدريس المتقاعد من جامعة الملك عبدالعزيز بجدة قسم الإقتصاد والإدارة. واللي قضى أغلب حياته المهنية في التعليم الجامعي لأكثر من ٣٠ سنة، واليوم جلس معانا وحكانا على حياته كطالب أيام دراسة مرحلة البكلوريوس في جامعة الملك سعود في أواخر الستينات الميلادية، وكمان دردشنا عن بعض الدروس في الحياة والتربية وفي الآخر… حكالنا عن أحد المواقف اللي رفعة ضغطه مع التحفة… ولده عمار!

حلقة اليوم هي الجزء الثاني من الحلقة الماضية، قبل ثلاث سنوات لمن بدأنا البودكاست… أتعرفنا على مجموعة شباب من دبي بدأوا هم كمان بودكاست خاص بهم جمع بين الحوار العفوي والموسيقى العصرية، وتوافق أفكارنا وأحلامنا خلتنا نصير أصحاب. وعلى مر السنوات قررنا إننا نستضيف بعض على برامجنا، هم سبقونا في الإستضافة واليوم ربي قدرنا وسافرنا على دبي واستضفناهم. وعشان نعوض التأخير… سجلنا بدل الحلقة حلقتين! صراحة هي حلقة واحدة بس طويلة… فقسمناها إلى حلقتين. معانا اليوم عمر التوم ومحمد عكاوي من بودكاست دكان، واللي اليوم أتحولوا إلى “دكان ميديا” شركة إعلامية تقدم العديد من الخدمات الصوتية والمرئية. واتكلمنا على بداياتنا وخبراتنا في المجال… وبعض المواضيع المختلفة كالعادة، وشاركنا في الحديث من بودكاست الزبدة الرائعة خيرة بندقجي ومن بودكاست كرتون كرتون الفنان عبدالله رافعة. دكان ميديا: Dukkan Media is a multi-platform media company that aims to set the benchmark for regional storytelling. Founded by Omar OT Tom, the company is a unique piece in the publishing, content creation, and creative advertising landscape. رابط بودكاست دكان بودكاست الزبدة: ودكاست عربي يشجع الأصالة الفردية. نختتم الحلقات بتقديم الـ’زبدة’ وهي خلاصة الحلقات. الفريق: خيرة، فاطمة وليلى. عندك اقتراح لموضوع أو ضيف؟ (أسهل لو كان الضيف في جدة!) تواصل معانا على أي حال! رابط بودكاست الزبدة بودكاست كرتون كرتون: كرتون كرتون هو بودكاست اسبوعي من تقديم عبدالله رافعة وعمار الصبان. نتحدث فيه عن آخر التطورات في عالم الرسوم المتحركة والعلوم المختلفة اللازمة لإنتاجها من رسم وتحريك للتمثيل الصوتي والدبلجة. و نستضيف مختصين من عالم الرسوم المتحركة لنقل خبراتهم للعالم العربي. رابط بودكاست كرتون كرتون

قبل ثلاث سنوات لمن بدأنا البودكاست… أتعرفنا على مجموعة شباب من دبي بدأوا هم كمان بودكاست خاص بهم جمع بين الحوار العفوي والموسيقى العصرية، وتوافق أفكارنا وأحلامنا خلتنا نصير أصحاب. وعلى مر السنوات قررنا إننا نستضيف بعض على برامجنا، هم سبقونا في الإستضافة واليوم ربي قدرنا وسافرنا على دبي واستضفناهم. وعشان نعوض التأخير… سجلنا بدل الحلقة حلقتين! صراحة هي حلقة واحدة بس طويلة… فقسمناها إلى حلقتين. معانا اليوم عمر التوم ومحمد عكاوي من بودكاست دكان، واللي اليوم أتحولوا إلى “دكان ميديا” شركة إعلامية تقدم العديد من الخدمات الصوتية والمرئية. واتكلمنا على بداياتنا وخبراتنا في المجال… وبعض المواضيع المختلفة كالعادة، وشاركنا في الحديث خيرة بندقجي وعبدالله رافعة. وهذا وصف بسيط عن مين هما دكان ميديا: Dukkan Media is a multi-platform media company that aims to set the benchmark for regional storytelling. Founded by Omar OT Tom, the company is a unique piece in the publishing, content creation, and creative advertising landscape.

من العادات السيئة عند بعض الناس انهم يسيبوا واجباتهم لآخر لحظة! لمن يكون عندنا وقت كافي لإنهاء مهمة معينة، ما نستغل الوقت ونخلصها… لأ نسيبها لآخر لحظة وبعدين مع الربشة نحاول نلحق نفسنا. اليوم أتكلمنا عن هذا الموضوع اللي عمار خبرة فيه مع صحابنا المنتج الموسيقي والفنان علي الشريف وخبير الدبلجة والممثل عبدالله رافعة. وأتكلمنا على كيف إننا نحب نشتغل في سكينة الليل مقارنة بالنهار والصحيان في الصباح بدري، واتكلمنا على أنواع المكاتب ومساحات العمل المختلفة من مكاتب مغلقة لمساحات مفتوحة. ودردشنا عن الإنطوائية وصعوبة التعامل مع الناس وهل نقدر نعيش من غير أحد حولنا أو لازم نحتاج يكون في أحد معانا؟ وكمان ناقشنا موضوع العيش في فقاعة شخصية بعيد عن الناس المختلفين عننا، هل هو شيء مقبول أو صحي؟ أو هل المفترض ننخرط مع باقي المجتمع؟ وهل هذا يأثر على شخصياتنا وشغلنا أو لأ؟ حلقة اليوم كانت كوكتيل من المواضيع، وفي الآخر أستنتجنا إنه كل واحد فينا طلع “البطة السودة” في في عائلته!

حلقة اليوم هي حلقة هدية من أصدقائنا في بودكاست “كيرنج كلتشرز” واللي كان ضيف معاهم فيها عمار الصبان. وأتكلموا في هذه الحلقة عن برنامج افتح ياسمسم وتأثيره التعليمي على الشرق الأوسط. الحلقة باللغة الإنجليزية لأن البودكاست موجه للجمهور في بقية العالم والهدف منه  تعريفهم بالثقافات العربية عن طريق سرد قصص من المجتمع العربي باللغة الإنجليزية. وممكن تتابعوا برنامجهم على الرابط التالي: https://soundcloud.com/kerning-cultures In 1979, Iftah Ya Simsim – the Arabic version of Sesame Street – aired for the first time. Over the next ten years, the show was loved by children across the Arab world, until 1990, when the show was pulled off the air as a result of the Gulf War. But Ammar Al Sabban, a young boy growing up watching the show in Jeddah, never forgot the impact his favourite characters had on him. In this episode, a little boy’s dream to become his favourite Muppet, and the making of a show that revolutionised children’s television. Produced by Hebah Fisher and Alex Atack, with help from Alexandra Chaves, and with editorial support from Dana Ballout. Sound design by Mohamed Khreizat. Thank you to everybody who sent us their memories of Iftah Ya Simsim: Bader Alfarsy, Ltein Alfarsy, Lilian Yasser, Sallah Al Yasser, Rym Ghazal, Hayat Abdel-Saheb, and Lina Bharnawi. Thank you also to Cole del Charco for helping us record Michael’s book, which chronicles the story of Sesame Street, is called Street Gang.

الإستقلال المادي حلم يتمناه أي إنسان، ومن أكبر نعم الله على أي شخص إنه تكون عنده أو عندها القدرة على كسب الرزق من دون وظيفة أو راتب ثابت. ولكن قبل ما تكون عندنا هذه القدرة، لازم نعرف أول إحنا شاطرين في إيش! إيش هو شغفنا؟ أيش اللي يميزنا عن غيرنا؟ والسؤال الأهم أيش اللي موقفنا من إكتشاف وتحقيق أحلامنا؟ صديقنا رائد الأعمال أسامة نتو مر علينا اليوم وجابلنا معاه قهوة وقعدنا ندردش في هذا الموضوع، وعرفنا إنه أسامة أكتشف طريقة جديدة تمكن كل شخص إنه يكتشف شغفه. والحديث كان مرة شيق لدرجة إنه أخذ مننا أكثر من ساعة ونص، وأتكلمنا فيها عن نظريات ودروس ومفاهيم كثيرة… ننصح إنه يكون معاكم ورقة وقلم عشان تدونوا بعض الأشياء المهمة إللي تطرقنا لها في الحديث.

حلو لمن يكون عندك هدف في الحياة… كثير مننا يعيش حياته مسير على الخطى اللي رسمها المجتمه له، لكن من حين لآخر نلاقي إنه في ناس في مجتمعاتنا سخرت حياتها لتحقيق أهداف معينة. البعض تكون أهدافه شخصية والبعض الآخر تكون أهدافه دافعها خير لمجتمعه، والبعض الآخر تكون أهدافه إعطاء صوت لمن لا صوت له. وضيفنا لحلقة اليوم هو من الفئة الأخيرة، اللي هو وزوجته سخروا حياتهم لإعطاء أصوات لفئات من المجتمع مالهم صوت كبير، ضيفنا هو الإعلامي والمبدع حسان “بيج هاس” ضناوي. اللي اتكلم معانا على فن الراب أو الهيب هوب وتاريخه وبداياته في أمريكا والآن في العالم العربي، وأتكلمنا معاه على التوحد ووضعه في مجتمعنا وكيف الناس بتتعامل معاه وكيف هو وزوجته وولده البطل أحمد بيتعامله معاه. وشاركنا في الحديث صديقات البرنامج خيرة بندقجي و نادية ملائكة، وإذا حاببين تعرفوا أكثر عن التوحد بيج هاس وصانا بكتاب إسمه: The Reason I Jump By Naoki Higashida واللي يشرح كل شيء تحتاجوا تعرفوه عن التوحد.